Apne jeevan me hai kya paaya, kya takdeer likha k laaye hai
Anjaan dagar pe, andhere ghamo k kaale gehre saaaye hai
Lamba rasta sunsaan dagar hai, ye kya takdeer se paaye hain
Suraj dhalte hi armaan ye dil k, hame kis chor le aaye hain
Suhana sa tha wo mausam, aur khushmizaaz thi bahar bhi
Mere apne bhi mere sath they , aur sath tha mere pyar bhi
Jaane kis mod pe chutey wo apne, ab soona lage sansaar bhi
Kuch kadmo se bichad gaye, fir mera sab sathi aur pyaar bhi
Ek humsafar hai tanhai meri, aur hamnawa ye mere saaye hai…
Apne jeevan me hai kya paaya ……
Tufan jo aakey chala gaya, mera ghar baar mita k chala gaya
Aanjani manzil ka hamko, wo chupke se pata bata k chala gaya
Kuch boondein thi mere palko me, kyu unhe bahake chala gaya
Hai jeena mushkil , marna namumkin ye hame bata k chala gaya
haath wakt ka thaam k , dekho , ye hum kis mod pe aaye hain
Apne jeevan me hai kya paaya …..
Diamond Heart 